今年新年係1月, 比起往時早左好多
唔知係咪龍年唔旺我呢, 我由聖誕忙到新年, 足足忙左2年呀
好在我有我既堅持, 就算幾多野做, 都係weekday忙埋佢, 堅持唔係假期返工,
咁様心理上都算有d平衡
所以星期六日都係屋企hea住玩啦~
所謂既hea, 我都好忙架, 忙住整定d新年賀卡
於是乎周圍搵下新年既印仔
係12蚊店中尋找到佢地
除此之外, 我自己學整印仔, 當然我0畫畫天分, 所以我都係抄圖咋(初學者係咁架啦
)
<=呢個係出面買都要百幾蚊架, 所以自己學整, 一次滿足2個做手作既慾望, 同埋買龍年既印仔要12年先再返用
<=特登挑黎整新年賀卡, 話晒新年都係d中國節日, 始終都係用中文字會貼切d
<=挑左個"福"字都未用過呀
龍年賀卡#1
呢張卡我係用左自己整既印仔整既, 再用水溶木顏色上色.
雖然有點plain, 但都突顯到條青龍, 話晒今年係龍年嘛.
當我好陶醉自己既作品既時候, 我男友既一句話, 就好似一支箭咁插入我心
佢話仲乜整條蜥蝪係度呀!!!!!
我聽完即時石化左............
佢仲幫呢張卡改左個名, 叫"迎春蜥"
OH NO!!!!!!!
龍年賀卡#2
呢張卡我用左中間開頁設計, 同埋以揮春為主題.
而左右兩個半圓係和紙整架, 所以呢張卡有少少和風味道之餘, 不失中國色彩.
龍年賀年盒#3
<=呢個叫"福到賀年盒", 你地見到佢係咪好靚呢
其實係我出去學架, 而d桃花同燈籠係用copic marker油的.
<=Copic Marker
呢種marker其實幾好玩, 我個人覺得好玩過水溶木顏色, 同埋d色出d添
但係呢種既marker都係高投資既一種玩意黎架,
原因係單單油朵花都已經用上3-4隻既顏色, 先做得出佢漸變既效果, 所以話呢, 係咪高投資丫
龍年賀卡#4
首先要多謝一位同事莫Ivy送贈靚pattern既利是封, 呢張卡主要材料係利是封.
點解會無啦啦用利是封黎整卡呢, 原因係佢花款多, 同埋好多唔同款既紙料.
再加上大家要封利是都係為裡面d錢, 反正掉左佢, 不如廢物利用咪仲好, 夠環保嘛.
龍年賀卡#5
繼續用"迎春蜥"印仔, 我挑呢個印仔咁辛苦, 咁花時間, 點都要用多次架啦,
唔用的話好對自己唔住囉, 因為下一次都要等成12年啦, 12年後咩光境都唔知lu~
今次自己卷左d炮仗, 都係用利是封為主要材料整既, 淨係卷10支炮杖, 都卷到我成手膠水啦
但收到既朋友好開心就乜都值返晒啦~
